Cyfleoedd ariannu sydd ar gael i fusnesau i gefnogi lleoliadau gwaith, partneriaethau a phrosiectau ar y cyd.

Lansiwyd rhwydwaith newydd yr wythnos ddiwethaf sy’n darparu cysylltiadau i fusnesau ag arbenigwyr prifysgol ac yn cynnig platfform iddynt ddatblygu cyfleoedd ar gyfer masnachu ar raddfa fyd-eang gan Brifysgol Abertawe a Phrifysgol Bangor (23ain Chwefror 2010).

Yn dilyn digwyddiad y lansiad brecwast, yn y Village hotel, Abertawe, gwnaeth un busnes, ASAHI Photoproducts Ltd, groesawu’r cyfle i ymuno â Chyfnewid Gwybodaeth Cymru (KEW).  Dywedodd David Galton, rheolwr gyfarwyddwr y cwmni, a siaradodd yn y digwyddiad:

“Mae ASAHI wedi datblygu perthynas â Phrifysgol Abertawe dros gyfnod o 15 mlynedd – sy’n adrodd cyfrolau o’r safbwynt bod y cwsmer arbennig hwn wedi’i foddhau, ac wedi dymuno gwneud mwy o fusnes gyda’r Brifysgol.

“Yn sgil effaith y dirwasgiad byd-eang, mae angen gwella cynhyrchedd, mabwysiadu defnyddiau newydd, a lleihau effaith amgylcheddol. Gellir dim ond gyflawni hyn drwy weithredu dulliau gwyddonol. Mae’r Ganolfan Argraffu a Chotio Cymru a leolir ym Mhrifysgol Abertawe, yr ydym wedi gweithio yn helaeth â nhw yn unigryw. Mae ganddyn nhw enw ardderchog ar gyfer datblygu gwyddoniaeth cynnal berthnasol a bod yn barod i’w drosglwyddo i’r byd diwydiant. Mae hyn wedi bod o fudd mawr i ni. Mae lles y cysylltiadau a chydweithrediadau hyn yn amhrisiadwy.”

“Bydd Cyfnewid Gwybodaeth Cymru yn ymdrin â mater yr wyf wedi bod yn ymwybodol ohono drwy gydol perthynas ASAHI â’r Brifysgol – mae eu hymchwil gwyddonol a’u sgiliau trosglwyddo gwybodaeth yn anhygoel, ond maen nhw’n goleuo cannwyll a’i dodi dan lestr. Hwyrach drwy KEW a Global CONNECT, gall y prifysgolion sy’n cymryd rhan gael effaith fyd-eang.”