Dyddiad: 2il Mawrth 2010 – Lansiad Cyfnewid Gwybodaeth Cymru wedi’i gefnogi gan fusnes

Lansiwyd rhwydwaith newydd yr wythnos ddiwethaf sy’n darparu cysylltiadau i fusnesau ag arbenigwyr prifysgol ac yn cynnig platfform iddynt ddatblygu cyfleoedd ar gyfer masnachu ar raddfa fyd-eang gan Brifysgol Abertawe a Phrifysgol Bangor (23ain Chwefror 2010).

Yn dilyn digwyddiad y lansiad brecwast, yn y Village hotel, Abertawe, gwnaeth un busnes, ASAHI Photoproducts Ltd, groesawu’r cyfle i ymuno â Chyfnewid Gwybodaeth Cymru (KEW).  Dywedodd David Galton, rheolwr gyfarwyddwr y cwmni, a siaradodd yn y digwyddiad:

“Mae ASAHI wedi datblygu perthynas â Phrifysgol Abertawe dros gyfnod o 15 mlynedd – sy’n adrodd cyfrolau o’r safbwynt bod y cwsmer arbennig hwn wedi’i foddhau, ac wedi dymuno gwneud mwy o fusnes gyda’r Brifysgol.

“Yn sgil effaith y dirwasgiad byd-eang, mae angen gwella cynhyrchedd, mabwysiadu defnyddiau newydd, a lleihau effaith amgylcheddol. Gellir dim ond gyflawni hyn drwy weithredu dulliau gwyddonol. Mae’r Ganolfan Argraffu a Chotio Cymru a leolir ym Mhrifysgol Abertawe, yr ydym wedi gweithio yn helaeth â nhw yn unigryw. Mae ganddyn nhw enw ardderchog ar gyfer datblygu gwyddoniaeth cynnal berthnasol a bod yn barod i’w drosglwyddo i’r byd diwydiant. Mae hyn wedi bod o fudd mawr i ni. Mae lles y cysylltiadau a chydweithrediadau hyn yn amhrisiadwy.”

“Bydd Cyfnewid Gwybodaeth Cymru yn ymdrin â mater yr wyf wedi bod yn ymwybodol ohono drwy gydol perthynas ASAHI â’r Brifysgol – mae eu hymchwil gwyddonol a’u sgiliau trosglwyddo gwybodaeth yn anhygoel, ond maen nhw’n goleuo cannwyll a’i dodi dan lestr. Hwyrach drwy KEW a Global CONNECT, gall y prifysgolion sy’n cymryd rhan gael effaith fyd-eang.”

KEW yw’r rhwydwaith busnes gyntaf, a’r unig un yng Nghymru sy’n aelod o’r rhwydwaith arloesi busnes a buddsoddi rhyngwladol adnabyddus GLOBAL CONNECT, a’r cyntaf i uno gogledd a de Cymru, â’r bwriad o osod y byd diwydiant a’r byd academaidd yng Nghymru ar y map.

Ceri Jones, Dirprwy Gyfarwyddwr Adran Ymchwilio ac Arloesi ym Mhrifysgol Abertawe, arweiniodd y rhwydwaith. Yn siarad yn y digwyddiad, meddai:

“Bydd KEW yn ymdrechu i uno academyddion a busnesau a sefydliadau yng Nghymru, gan roi hwb i’r economi leol a chaniatáu i Gymru fasnachu ar raddfa fyd-eang.

“Rydym yn ymwybodol bod y sgiliau gyda ni yn y ddwy brifysgol i helpu busnesau i ddatblygu, gwneud cynnydd a chystadlu ar raddfa fyd-eang, ac rydym eisiau helpu’r economi yng Nghymru i dyfu.

“Rydym yn anelu’n uchel. Rydym yn gobeithio mai KEW bydd y rhwydwaith busnes mwyaf yng Nghymru”.

Mae’r bartneriaeth rhwng Prifysgol Abertawe a Phrifysgol Bangor yn gref, ac yn sicrhau y bydd pecyn cynhwysfawr o sgiliau ac arbenigedd yn cael ei gynnig i fusnes, pan Wales. Mae hon yn ffaith a nodwyd gan dîm Arbenigedd Academaidd i Fusnesau Llywodraeth Cynulliad Cymru cyn dyfarnu’r ariannu ar gyfer y prosiect.

Dywedodd Lesley Griffiths, Dirprwy Weinidog ar gyfer Gwyddoniaeth, Arloesedd a Sgiliau, y byddai’r rhwydwaith yn hybu mwy o gydweithio rhwng y byd diwydiant a’r byd academaidd.

“Bydd y manteision yn ddeublyg. Byddant yn galluogi academyddion i ddeall anghenion y byd diwydiant yn well gan helpu’r byd diwydiant i gydnabod yr arbenigedd sydd ar gael a fyddai’n gallu gwneud byd o wahaniaeth i fusnesau a’u galluogi i dyfu a chystadlu’n llwyddiannus yn y farchnad fyd-eang. “

Mae gan Brifysgol Abertawe ynghyd â Phrifysgol Bangor sawl arbenigedd allweddol sydd eu hangen gan fusnesau, a hanes nodedig o gydweithio â byd diwydiant. Mae rhwydwaith KEW yn agored i bob busnes â diddordeb mewn datblygu a dysgu mwy ynglyn â’r hyn y mae prifysgolion yn eu cynnig i fusnesau.

Mae rhaglen o ddigwyddiadau KEW sydd wedi’u cynllunio dros y flwyddyn nesaf ar gael ar ein tudalen weithgareddau..

Am ragor o wybodaeth
Cysylltwch â Rachel Williams,
Swyddog Cyfathrebu,
Adran Ymchwil ac Arloesi,
Prifysgol Abertawe,
ar 01792 602962, 07882 488412 neu r.williams@abertawe.ac.uk.

Siaradwyr arloesol yn lledu’r gair
Yr Athro Richard B Davies, Is-ganghellor y Brifysgol;
Bryn Jones, Rheolwr Rhwydwaith Gogledd Cymru ar gyfer KEW;
Ceri Jones, Cyfarwyddwr y Rhwydwaith, KEW;
a David Galton, ASAHI Photoproducts (UK) Ltd